"""Garaşylan gün"""

 Ol gün juda çogly garady güneş,

Gözi ýolda çal saçlyja Enäniň.
Garaşýardy gelerine agtygnyň,
Onunjy aý, on bäşidi senäniň.

***********************
Onunjy aý, on bäşinde senäniň,
Doguldy jägildäp kiçijik peri.
“Ýaşy uzak, gelejegi gül bolsun,
Nesip kylsa kürteli bolsun seri.”

***********************

Diýen arzuwlaryň köpüsi bilen,
Buşlugyn alypdy şepagat uýa.
Agyryn ýeňledip ençe Eneleň,
Müňläp ömürlere şypa gat uýa!

***********************

Ilkinji perzendi, ilkinji bagty,
Ele aldy, mähir bilen käbesi.
Behişdi ys bilen ýalkymyn saçdy,
Ylla gülden dörän gülüň dänesi.

***********************

Ýyllar öň, balasyn ýitiren Ene,
Gözi begenç ýaşly garap dur ýoly.a
Sag elinde desse ýüzärlik bilen,
Sol eli süýjülik, köne ti:r doly.

***********************

Bezäp ak ulagy, ak ýollar bilen,
Geldi bir eýjejik perişde, melhem.
Ak saçly enäniň artdy şatlygy,
Garaşan gününe ýetipdi merdem.

***********************

Uly dileg, hasyl boldy-da birden,
Az owlak dikeldi gaýgyly gerden.
Çünki gelen agtyk, giden gyz adyn,
Göterýär mynasyp,Göterer her dem.

Awtory:Ogulşirin Gurbanowa